پوهنتون کې په لومړي ځل د علمي ترفیعاتو شورا ايجاد او د علمي چارو مرستيال په مشرۍ يې خپله لومړنۍ ناسته وکړه
سيد جمال الدين افغاني پوهنتون د علمي ترفیعاتو شورا د علمي چارو مرستيال قاضي عبدالهادي فضلي په مشرۍ خپله لومړنۍ ناسته وکړه، چې د کمېتې ټولو غړو په کې برخه لرله. په ياده کاري ناسته کې د علمي چارو مرستیال د کمېټې غړو ته سپارښتنه وکړه، چې د علمي ترفیعاتو په پروسه کې په پوره دقت او شفافیت سره عادلانه پرېکړې وکړي. ورپسې د يو تن استاد د علمي ترفیع پر کیس بحث وشو او د وروستیو کړنو په موخه د پوهنتون علمي شورا ته وړاندې شو.
د يادونې وړ ده چې د علمي چارو مرستيال په ورته وخت کې د ستراتيژيک پلان د څار له کمېټې سره په ناسته کې د کېمټې غړو ته د پوهنتون او پوهنځيو په کچه د ياد پلان له بشپړ تطبيق څخه د جدي څارنې لارښوونه وکړه.
