پوهنتون کې محصلینو ته له ازموينې څخه د اضطراب په هکله پوهاوی ورکړل شو
سید جمال الدین افغاني پوهنتون د پېنځهگونو پوهنځیو محصلینو ته د محصلانو د خدمتونو او همغږۍ آمریت اړوند د رواني مشاورې کمېټې له لوري د ازموینې اضطراب په هکله معلومات وړاندې شول.
د عامه پوهاوي په دغه پرو گرام کې د رواني مشاورې کمېټې مشر پوهنمل اسدالله کلیوال او د دې کمېټې مشاور پوهنیار حمیدالله حمید محصلينو ته د ازموینې اضطراب پېژندنې، نښو نښانو، عواملو او د مخنیوي لارو چارو په هکله هر اړخيز معلومات وړاندې کړل او د هغوی پوښتنو ته يې ځوابونه ورکړل.
محصلانو د خدمتونو او همغږۍ آمر مطیع الله مسرور محصلينو ته په خپلو خبرو کې د رواني، ورزشي او کلتوري چوپړتیاوو برابرولو په برخه کې د امکاناتو چمتو کولو ډاډ ورکړ او د هغوی رواني روغتیا ساتلو په موخه یې د لا نورو پروگرامونو د دايرولو یادونه وکړه.
