پوهنتون کې د کرکټ پيل شوې سيالۍ پای ته ورسېدې
يادې سيالۍ چې د سيد جمال الدين افغاني پوهنتون د محصلانو چارو معاونيت تر چتر لاندې د محصلانو د خدمتونو او همغږۍ آمريت اړوند د سپورت مرکزي کمېټې له لوري د پوهنتون شپږو لوبډلو تر منځ پیل شوې وې، د پای په مراسمو کې يې د کمپيوټر ساينس پوهنځي ريیس پوهنيار ذاکر الله عزام، پوهنتون د سپورت مرکزي کمېټې مشر پوهنيار فريدالله صافي، محصلانو د خدمتونو او همغږۍ آمر مطیع الله مسرور، د پوهنتون استادانو، اداري کارکوونکو او محصلینو برخه لرله.
د پای لوبې په مراسمو کې پوهنتون د سپورت مرکزي کمېټې مشر د ورزش په ارزښت او گټو خبرې وکړې او سپورتي فعالیتونه یې د محصلینو په فزيکي او ذهني وده کې اغېزناک ياد کړل.
محصلانو د خدمتونو او همغږۍ آمر په خپلو خبرو کې لوبغاړو ته د سپورتي اخلاقو او اصولو د رعایت سپارښتنې وکړې.
د ياد ټورنمنټ پایلوبه چې د کمپيوټر ساينس او ښوونې او روزنې پوهنځيو د لوبډلو ترمنځ وشوه د کمپيوټر ساينس په بري پای ته ورسېده.
