پوهنتون استادانو ته روزنيز ورکشاپ پای ته ورسېد
سيدجمال الدين افغاني پوهنتون کې استادانو ته دوه ورځنی روزنيز ورکشاپ پای ته ورسېد.
ياد روزنيز ورکشاپ چې د پوهنتون مسلکي پرمختيا آمريت له لوري د ژباړې بنسټونو تر سرليک لاندې د پوهنتون استادانو ته د ظرفيت لوړونې په موخه داير شوی وو؛ پای ته ورسېد.
پیل کې د مسلکي پرمختيا آمر پوهنيار امان الله توتاخېل ګډونوالو ته د ورکشاپ اهمیت او ارزښت بيان کړ او ورپسې د ښوونې او روزنې پوهنځي د انګليسي ډيپارټمنټ آمر پوهنمل فرمان الله سلطاني له لوري د ياد روزنير ورکشاپ موضوعات(له انګليسي ژبې څخه ملي ژبو ته د ژباړې اساسات) په دوه ورځو کې له استادانو شريک شول.
د يادولو وړ ده چې ګډونوالو د دا ډول ورکشاپونو او سېمينارونو پر دايرېدو خوښي وښوده او په راتلونکي کې يې د ورته نورو پروګرامونو د جوړېدو غوښتنه وکړه.
