محصلینو ته له ازموينې څخه د اضطراب په هکله د پوهاوي سېمينار وړاندې شو
نن ورځ د سيد جمال الدين افغاني پوهنتون پېنځهگونو پوهنځیو محصلینو ته د محصلانو د خدمتونو او همغږۍ آمریت اړوند د رواني مشاورې کمېټې له لوري د ازموینې اضطراب په هکله د پوهاوي سېمينار وړاندې شو.
پيل کې د محصلانو د خدمتونو او همغږۍ آمر مولوي عبدالله مسلم د سېمينار اهميت او ارزښت په تړاو معلومات وړاندې کړل او ورپسې د رواني مشاورې کمېټې مشر پوهنيار عبدالرحمن عابد محصلينو ته د ازموینې اضطراب پېژندنې، نښو نښانو، عواملو او د مخنیوي لارو چارو په هکله چمتو کړي موضوعات وار په وار تشريح کړل او د گډونوالو پوښتنې يې هم ځواب کړې. د ياد پروگرام په لړ کې د محصلينو له لوري د موضوع په تړاو تمثيلي پارچه هم وړاندې وشوه.
