د کار په ملي کنفرانس کې سید جمال الدین افغاني پوهنتون لومړی مقام خپل کړ
د کار او ټولنیزو چارو وزارت د کار ملي کنفرانس کې د کونړ سیدجمال الدین افغاني پوهنتون استادانو د افغانستان په کچه د علمي مقالو محتوا او د شمېر له مخې لومړی مقام تر لاسه کړ.
د سید جمال الدین افغاني پوهنتون استادان په داخلي ملي او نړۍ والو کنفرانسونو کې برخه اخلي او د لوړو زده کړو وزارت د څېړنې، تألیف او ژباړې ریاست له لوري په تر سره شویو کنفرانسونو کې خپل حظور ثابتوي، چې دا دی نن يې د کار په ملي کنفرانس کې یې لومړی مقام خپل کړ.
د سيد جمال الدين افغاني پوهنتون مشرتابه د دې لوړ علمي وقار د ترلاسه کولو په پار په ټوله کې افغان ولس او په ځانگړي ډول د پوهنتون ټول زيارکښ پرسونل ته مبارکي وايي.
د يادونې ده چې دې علمي بنسټ د پکتیا پوهنتون په اقتصادي پرمختیا کنفرانس کې دویم، د بدخشان پوهنتون د سیاحت په اړه جوړ شوي کنفرانس کې پنځم او د کابل ښوونې او رزونې پوهنتون د ښوونې او روزنې پرمختیايي کنفرانس کې یې اووم مقام تر لاسه کړی دی.
