د ښوونې او روزنې پوهنځي د څلورمو ټولگيو محصلينو ته د مونوگراف پروپوزل ليکنې تر سرليک لاندې روزنيز سېمينار داير شو
دغه يو ورځنی روزنيز سېمينار چې د سيد جمال الدين افغاني پوهنتون د ښوونې او روزنې پوهنځي د پښتو څانگې په نوښت جوړ شوی ؤ، د څلورمو ټولگيو لسگونو محصلينو په کې برخه اخيستې وه. په پيل کې د ښوونې او روزنې پوهنځي رئيس پوهنيار مولوي خانزاده حنيفي د څېړنې او د سېمينار پر ارزښت خبرې وکړې او محصلين يې په دا وړ روزنيزو پروگرامونو کې گډون ته راوبلل. ورپسې د پوهنتون د علمي څېړنو او مجلو مرستيال پوهندوی دوکتور سيد اصغر هاشمي له لوري د پروپوزل ليکنې اړوند پرېزېنټېشن وړاند شو او د پروپوزل پر ارزښت، اړتيا او د بېلابېلو برخو په تړاو يې محصلينو ته هر اړخيز معلومات وړاندې کړل او همداراز يې د گډونوالو پوښتنې هم ځواب کړې.
