د څلورمو ټولگيو محصلينو ته په ساينسي علومو کې د څېړنې او مونوگراف ليکنې لارې چارې تر سرليک لاندې يو ورځنی روزنیز سېمینار داير شو
دغه روزنیز سېمینار چې سيد جمال الدين افغاني پوهنتون د ښوونې او روزنې پوهنځي اړوند د څېړنو کمېټې په نوښت جوړ شوی ؤ، د څلورمو ټولگيو لسگونو محصلينو په کې برخه لرله. پيل کې د ښوونې او روزنې پوهنځي رييس پوهنيار مولوي خانزاده حنيفي د مونوگراف ليکنې پر اړتيا، ارزښت او اهميت خبرې وکړې او ترې وروسته د بيولوژي څانگې آمر پوهنيار فضل معبود عادل د موضوع په تړاو چمتو شوي معلومات وار په وار تشريح کړل او همداراز يې د گډونوالو پوښتنې هم ځواب کړې.
