د پوهنتون عمومي رئیس د مالي او اداري چارو معاونيت اړوند آمريتونو د روانو چارو څارنه او ارزونه وکړه
د سيد جمال الدين افغاني پوهنتون عمومي رئیس الحاج مولوي عبدالواسع منصور د مالي او اداري چارو معاونیت اړوندو آمریتونو له کاري بهیر څخه څارنه او د چارو د لا چټکتیا په موخه هر اړخیزه ارزونه وکړه. د څارنې او ارزونې پر مهال د پوهنتون عمومي رئیس يادو آمرينو ته لارښوونه وکړه، چې د خپلو دندو لايحو په رڼا کې پلان شوي کارونه په ښه ډول انجام کړي او د تضمين کيفيت له معيارونو سره سم دې د ترسره شويو چارو شواهد ترتيب او تنظیم کړي. د يادې څارنې په لړ کې د نوموړي معاونیت اړوند آمرینو د خپلو کړنو راپورونه وړاندې کړل او ډاډ یې ورکړ چې د رهبرۍ د لارښوونو په رڼا کې به د خدمتونو کیفیت لا نور ښه کړي.
