د پوهنتون رئيس د فرهنگي چارو له عمومي کمېټې سره ناسته وکړه
د سيد جمال الدين افغاني پوهنتون رئيس الحاج مولوي عبدالواسع منصور د فرهنگي چارو له عمومي کمېټې سره ناسته وکړه چې د يادې کمېټې ټولو غړو په کې برخه لرله. پیل کې د پوهنتون رئيس د ښه راغلاست ترڅنگ، د نوموړې کمېټې د تېرو کړنو او فعالیتونو له امله ستاينه او مننه وکړه او هغوی ته يې لارښوونه وکړه چې د پوهنتون په چاپېريال کې د بامفهومه او ارزښتمنو پيغامونو د ليکلو لپاره ځايونه په نښه او د پيغامونو لپاره متون ترتيب او نهايي کړي، ترڅو محصلينو ته د الهام او فکري ودې سبب شي. د پوهنتون رئيس يادې کمېټې ته سپارښتنه وکړه چې خپلې اړوندې چارې پر خپل وخت او له ټاکل شوي پلان سره سمې انجام کړي. د پوهنتون فرهنگي چارو عمومي کمېټې مسؤلينو د پوهنتون رئيس ته ډاډ ورکړ چې ورسپارل شوی مسؤليت به په ژمنتيا او پوره لېوالتيا سره پر خپل وخت سرته ورسوي.
