د پوهنتون د مالي او اداري چارو مرستيال د محصلينو له ليليې څخه لیدنه او څارنه وکړه
د سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد د خپلې دوامدارې څارنې په ترڅ کې تېره شپه د پيشلمي په وخت کې د محصلينو له ليليې څخه لیدنه وکړه او د مسؤلينو او محصلينو ستونزې يې واورېدې او هغوی ته يې د حل ډاډ ورکړ. نوموړي همداراز دوی ته سپارښتنه وکړه چې نظافت ته جدي پاملرنه وکړي. د مالي او اداري چارو مرستيال د ليليې مسؤلينو د صادقانه خدمتونو د ستاينې ترڅنگ، هغوی ته د خوړو کيفيت او د بيت المال د ساتنې په برخه کې لازمې لارښوونې وکړې چې د هغوی له لوري د عملي کېدو ډاډ ورکړل شو.
