د عامې روغتيا سرپرست وزير او ور سره مل پلاوي له کونړ سيد جمال الدين افغاني پوهنتون څخه ليدنه وکړه
د عامې روغتيا سرپرست وزير مولوي نورجلال جلالي او د ازموينو ملي ادارې مرستيال شيخ رحيم الله حقاني؛ کونړ ولايت ته د خپل سفر په ترڅ کې له ياد پوهنتون څخه ليدنه وکړه او په اړوندو برخو کې يې د پوهنتون له مشرتابه سره د پوره همکارۍ ژمنه وکړه.
پیل کې د پوهنتون رييس شيخ عبدالمالک محسن راغلو مشرانو ته ښه راغلاست ووايه او په صحي برخه کې يې شته ستونزې له محترم وزير صيب سره شريکې کړې.
ورپسې د عامې روغتيا سرپرست وزير وويل دا چې اسـلامـي نظام د الله ﷻ د نعمتونو مجموعه ده نو بايد ټول يې شُکر اداء کړو. نوموړي همدا راز له دې پوهنتون سره د يو باب کلينيک او يو عراده امبولانس د مرستې ژمنه وکړه.
