د پوهنتون اداري کارکوونکو ته د مالي محاسبې قانون د تشرېح او پوهاوي په تړاو سېمينار داير شو
دغه يو ورځنی سېمينار چې د سيد جمال الدين افغاني پوهنتون د مالي او اداري چارو معاونيت په نوښت جوړ شوی ؤ؛ د پوهنتون اداري کارکوونکو په کې برخه لرله. د سېمينار په پيل کې د مالي او اداري چارو مرستيال حافظ مولوي محمدعثمان سعيد د ښه راغلاست ترڅنگ په نظام کې د اطاعت پر اهميت خبرې وکړې او گډونوالو ته يې سپارښتنه وکړه چې د سېمينار پر موضوعاتو ځانونه ښه پوه کړي. ورپسې د اقتصاد پوهنځي استاد پوهنمل دوکتور ذبيح الله کوټوال د ياد قانون ټولې مادې وار په وار تشرېح کړې او په پای کې يې د برخهوالو پوښتنو ته ځوابونه ورکړل.
د يادونې وړ ده چې د مالي محاسبې قانون د مشرتابه عالي مقام له لوري په يوه مقدمه، يو باب او(۲۰) مادو کې توشېح شوی، چې د مالي حسابونو اړوند په کې حکمونه صادر شوي دي.
