د مالي او اداري چارو مرستيال د معاونيت له اړوندو اداري او خدماتي کارکوونکو سره ناسته وکړه
د سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد د معاونيت له اړوندو اداري او خدماتي کارکوونکو سره په چارو کې د لا ښې همغږۍ او پياوړې همکارۍ په رامنځ ته کولو ټينگار وکړ. ياده ناسته چې په مالي او اداري چارو معاونيت کې ترسره شوه، د پوهنتون مالي او اداري چارو مرستيال په کې اړوندو مسؤلینو او کارکوونکو ته د وظيفوي مسؤليت د لا ښه ترسراوي په تړاو لازمې سپارښتنې او لارښوونې وکړې. نوموړي په تېر کال کې د ترسره شويو فعاليتونو له امله د کارکوونکو ستاينه وکړه او په راتلونکي کال کې يې د پلان شويو اجراآتو د لا ښه ترسراوي هيله وښوده. دغه ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
