پوهنتون د مالي او اداري چارو مرستيال له ليليې څخه د لیدنې او څارنې په ترڅ کې د ليليې له مسؤلينو سره ناسته وکړه
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد د يوه پلاوي په ملتيا د ليليې له پخلنځي او نورو بېلابېلو برخو څخه لیدنه او څارنه وکړه. نوموړي د ليليې مسؤلينو او کارکوونکو ته سپارښتنه وکړه چې د خوړو کيفيت او د چاپېريال نظافت ته جدي پاملرنه وکړي. د مالي او اداري چارو مرستيال د ليليې له مسؤلينو سره په ناسته کې د امير اطاعت، بيت المال ساتنې او دندې ته د ژمنتيا په برخه کې لازمې لارښوونې او سپارښتنې وکړې چې د هغوی له لوري ډاډ ورکړل شو.
