د لوړو زده کړو وزارت په رهبرۍ د جهان خصوصي پوهنتون له لوري په داير شوي کنفرانس کې د سید جمال الدین افغاني پوهنتون درېيم مقام خپل کړ
دغه داخلي کنفرانس چې«افغانستان دوامداره پرمختیار لپاره مصنوعي ځيرکتیا څخه د گټې اخيستنې داخلي- څېړنيز کنفرانس» تر سرليک لاندې داير شوی ؤ، د کونړ سید جمال الدین افغاني پوهنتون استادانو له لوري ليکل شويو علمي-څېړنيزو مقالو په کې د هېواد په کچه د کيفيت او کميت له پلوه درېيم مقام خپل کړ.
د سید جمال الدین افغاني پوهنتون رهبري د دې لوړ علمي وقار د ترلاسه کولو له کبله په ټوله کې د لوړو زده کړو سرتاسري لويې علمي کورنۍ ته او په ځانگړي ډول د دې پوهنتون ټول زيارکښ پرسونل او محصلينو ته مبارکي وايي.
دا لومړی ځل نه دی چې د کونړ سيد جمال الدين افغاني پوهنتون په ملي کنفرانسونو کې د پاموړ مقام خپلوي، تر دې وړاندې هم په دا وړ څلورو داخلي کنفرانسونو کې لومړی او په گڼو نورو کې يې د پاموړ مقامونه خپل کړي دي.
د يادونې وړ ده چې په دغه داخلي کنفرانس کې د سيد جمال الدين افغاني پوهنتون عمومي رئيس الحاج مولوي عبدالواسع منصور، د علمي څېړنو او مجلو مرستيال پوهنوال دوکتور سيد اصغر هاشمي او د دې پوهنتون نږدې شل تنو استادانو برخه اخيستې وه، چې د يوولسو څېړنيزو مقالو په وړاندې کولو سره يې درېيم مقام خپل کړ.
